الدكتور أمجد بدران يكتب: الردح بين الصناعيين و الحكومة
غريبة هي الردود والردح بين الصناعيين والحكومة عن تسعيرة الكهرباء!! وكل باقي الكلف!!!
الجميع يصطنع أنه لايعرف الحقيقة الصناعي والمسؤول الرسمي.
أنت أيها الصناعي ماذا تعطي عمالك الدراويش رواتب؟!
قروش... بحجة الامور تعيسة وبحجة مابقلك شو بطالع وبحجة انو لايوجد قانون واضح ينظم أجر العامل في القطاع الخاص وهذا مذهب رأسمالي مقصود بحجج سخيفة سكت عنه القانون والعمال والنقابات...
بالمقابل:
على الصناعي أن يفهم أنه سيحصل على ذات المعاملة فهو بنظر البعض من اصحاب القرار مجرد: موظف صغير
تماما كما عماله بالنسبة له...
فبدك تدفع انت وساكت وعالعلن فقط منبرر بكلام منمق أما إذا بدك تزيدها:
فبيوصلك الجواب... وبتسمع كلمتين مو حلوات...
إنشالله صدقت حالك انك قطاع خاص؟!!
انت موظف ومكلف تكون قطاع خاص وبس مابدك قدم استقالتك وفيه الف لحيس صرامي عالبواب... ونجاحك هو بسبب تفشيل غيرك وعدم منحه مادة أوليه أو امتيازات متلك...
وأي واحد بقدرات متواضعة بموقعك ودعمنا بينجح ومابيوجع راسنا...
بالتالي سعر الكهربا أو غيرها:
هوي لأنو منعرف ربحك ومنعرف شو منبقيلك وشو نشيل منك... لاتتذاكى علينا وتسرقنا...
وللأمانة:
أحيانا يكون تقدير الربح غير صحيح والقطاع الخاص يربح اكثر بكثير واحيانا لا بس ماحدا هامو...
متل البيض فضيحة البيض التاريخية في الاقتصاد السوري... خلي كل الحكومة وخلي الصناعيين يساعدونا:
كيف صحن بيض كان يباع 65 ألف والتاجر والمربي يقول احسبوا الكلف وأنا خسران!!!!
ثم صار صحن البيض 40 الف تهريب...
أقل منطق اقتصادي يقول:
لازم كل مربي سوريا يفلسوا تاني يوم وحتى المؤسسة العامة للدواجن لازم تفلس تاني يوم...
تاني يوم مو بعد يومين تلاتة....!!!
مابدي احكي أكتر..........
روحوا عمي كل واحد يرجع لضميرو وأعطوا عمالكم الفقراء اللي عم ياكلوا من جسمهم لتنجح مصانعكن اعطوهم مصاري رواتب يعيشوا بناتهم وولادهم...
هاد بنتو بدها تلبس وحقها تطلع عكافتيريا او تشوف حالها... لاتكسروهم..... حراااام
تابعوا آخر أخبار وكالة السوري الإخبارية عبر Google News