ياسر العظمه: بلدي صار عابس وحقوله محـروقة

الفنان ياسر العظمة يقول في فيديو اليوم : صحيح أنا مقيم برات البلد بس بزورها كل فترة و فترة …بس بصراحة صرت حس بلدي ما عادت رحبت فيني متل أول ..

 بلدي صار وشها ناشف .. عابس .. و حاطة العقدة .. حقولها محروقة .. بساتينها خربانة .. مدنها كئيبة .. مدنها مشحرة .. كأنو مو هية.. كأنو مابعرفها و لا بتعرفني ..

بلدي زعلانة و ما حدا عم يعرف يراضيها .. يمكن زعلانة ع الشباب يلي تركوها و مشيو .. زعلانة لأنو الكل استوطى حيطها .. 

بلدي زعلانة لأنو ما عاد حدا اتغزل فيها ، بلدي زعلانة من جوات قلبها .. و وقت بلدي بتزعل .. ارضائها صعب