" الأقتصاد السوري (إن صحت التسمية) فيه 4 مدارس مميزة بالتسويق:
1- المدرسة الحلبية (الإنتاج): مشهورة بتصنيع السلع والمنتجات بجودة وسعر مقبول، فعلياً المخ الحلبي مخ مبرمج على الإنتاج مستعد يصنع نفس سيارة "تيسلا" بربع السعر. بس للأسف عنده مشكلة بالتعامل مع الزبون، إذا ماعجبه الزبون بقلعه وبقله "مية السلامة خيو".
2- المدرسة الشامية (البيع والتسويق): على عكس المدرسة الحلبية، الدمشقيين أهل بيع ولسانهم بينقط عسل، تجارهم عندهم مقدرة رهيبة على تشليح فلوس أي زبون حتى لو داخل على المحل يقول مرحبا، غالباً بيشتروا من الحلبية البضائع وبيرجع ببيعوها لبقية المحافظات بضعفين وأحياناً 3 أضعاف السعر. بتحس التسويق والبيع بالفطرة عندهم، لهيك معظم شركات التسويق القوية بسوريا هم من أهل دمشق.
3- المدرسة الحمصية (خدمة العملاء): فنانيين بحل المشاكل،إجتماعيين لأبعد درجة، إذا بتفوت معصب لعند أي بائع حمصي بتنسى ليش معصب وبتضحك من قلبك وبتطلع مبسوط من المحل. أخلاقيين بالتعامل لأبعد درجة، نصيحتي أي حدا بدو يوظف موظفي خدمة عملاء يوظف حماصنة فقط.
4- المدرسة اللاذقانية (العلاقات العامة): لا عنا مدرسة ولا بطيخ، نحن جماعة "الدولة ولاك" وبيسلم عليك جوز خالتي "أبو تالة" وبضاعتنا كلها مباعة مسبقاً للجيش والقوات الرديفة"
المصدر : صفحة رامي عيسى
تابعوا آخر أخبار وكالة السوري الإخبارية عبر Google News