منوعات

دبي فرصة النجاة للسوريين

دبي فرصة النجاة للسوريين

بما أنو "دبي" المدينة الوحيدة في العالم يلي بيقدر يسافر إلها الشاب السوري، فالأفضل يستعد جيداً ليستثمر فرصة النجاة الوحيدة يلي أمامه وإن كانت مكلفة الثمن للأسف، فيما يلي نصائح من الصديق الغالي سمعان للوافدين الجدد لإمارة دبي: 

رسالة الى كل القادمين على الامارات بشهور الصيف رح اكتب عشر نصائح وبليز قبل ما تفكر تعلق بعدم الموافقة فصدقني وجهة نظري ما رح تتغير:


1- لا تجوا على الامارات بفصل الصيف لانو نص فرص العمل بتضيع وما في توظيف بالغالب بهدول الاشهر لانو 40 بالمية من البلد بتفضى وما بيكون في ضغط عمل فالتوظيف كلو بيتأجل لشهر 10 بالقليلة. 


2- لا تجوا على الامارات قبل ما تكونو زبطتو اللغة الانكليزية استغلو فترة الصيف وطوروا لغتكم وما تنتظروا لتصيروا هون وتبلشوا تحرقوا وقت، الوقت هون حقو مصاري. 


3- لا تجوا على الامارات قبل ما تبنوا شبكة علاقات واسعة انترنيتياً يعني على شبكات التواصل الاجتماعي وغيرهم من المنصات الاحترافية. 


4- لا تجوا على الامارات قبل ما تكونو عرفانين حالكم شو بدكم تعملو هون وتكونو راسمين خطة لكل دقيقة بدكم تصرفوها. 


5- لا تجوا على الامارات وما في بجيبتكم اقل شي 3 الاف دولار او على القليلة عندكم حدى تدينوا منو مصاري هون . لتقدروا تعيشوا وبأسوء الامور تضلكم تلات شهور بلا شغل .


6- لا تجوا على الامارات قبل ما تكونو مطورين حالكم بمهنتكم مو تجوا لهون وتصيروا تشتغلو شو ماكان بس لتضلكم هي البلد للمحترفين او على طرق الاحتراف الباقي بيشتغلوا بس ببهدلة مرتبة...


7- لا تجوا على الامارات قبل ما تكونو بتعرفوا تعملو كذا شغلة مع بعض بمجالكم يعني مو بس ديزاينر ديزاينر وفيديو مثلا او شغلة بتشبهها لانو نظام الشركات هون بتحب متعدد المواهب.. 


8- لا تجوا على الامارات قبل ما تكونو بانيين البورتفوليو تبعكم او على القليلة سيفيتكم تكون مرتبة ومدعومة بكل شي الشخص حابب يعرفوا عن شغلكم.


9- لا تجوا على الامارات قبل ما تكونو مطورين ما يسمى الSoft skills واهمهم مهارات التواصل وطبعا ما في داعي احكي عن قصص الكمبيوتر وبرامجو الاساسية يلي هي محو امية. 


10- بالنهاية ما تجوا على الامارات قبل ما تكونو قريانين هاد البوستين (موجودين أول تعليق)


وكل التوفيق الكم وانا جاهز لاي مساعدة بس بشرطين اساسيين يلي بدو ياخد نصيحتي ما يناقشني اولا وتانيا يطبق النصائح


بقلم Samaan Mikhael

google-news تابعوا آخر أخبار وكالة السوري الإخبارية عبر Google News

مقالات متعلقة